- Lyrics
- Album list
張羽偉
-
金瓜石
21091/《金瓜石》Kim-kue-tsio̍h
張羽偉Tiunn Ú-uí
焦炭樂團Tsiau-thuànn Ga̍k-thuân
↓↓(口白)---(口白)---(口白)↓↓
一陣一陣的海風
tsi̍t-tsūn-tsi̍t-tsūn ê hái-hong
吹向山邊
tshue hiòng suann-pinn
基隆山的山頂
Ke-lâng-suann ê suann-tíng
風吹袂止
hong tshue buē-tsí
一陣一陣的遊客
tsi̍t-tīn-tsi̍t-tīn ê iû-kheh
來來去去
lâi-lâi-khì-khì
踮金瓜石的山頂
tiàm Kim-kue-tsio̍h ê suann-tíng
欲揣啥物
beh tshuē siánn-mih
金瓜石的文化
Kim-kue-tsio̍h ê bûn-huà
是佇佗位
sī tī tó-uī
來來去去的遊客
lâi-lâi-khì-khì ê iû-kheh
是按怎咧看待伊
sī án-tsuánn teh khuànn-thāi i
一陣一陣的雺霧
tsi̍t-tsūn-tsi̍t-tsūn ê bông-bū
飛向天邊
pue hiòng thinn-pinn
戴帽仔的山頂
tì bō-á ê suann-tíng
雨落規暝
hōo lo̍h kui-mî
五番坑的坑口
Gōo-huan-khinn ê khinn-kháu
風吹袂止
hong tshue buē-tsí
一陣一陣的遊客
tsi̍t-tīn-tsi̍t-tīn ê iû-kheh
Find more lyrics at ※ Mojim.com
踮遐踅來踅去
tiàm hia se̍h-lâi-se̍h-khì
金瓜石的明仔載
Kim-kue-tsio̍h ê bîn-á-tsài
是佇佗位
sī tī tó-uī
代代世世的囝孫
tāi-tāi sè-sè ê kiánn-sun
欲按怎對待伊
beh án-tsuánn tuì-thāi i
↑↑(口白)---(口白)---(口白)↑↑
前人種樹
tsîng-jîn tsìng tshiū
才有後人享受
tsiah ū āu-lâng hiáng-siū
咱的祖先咧看
lán ê tsóo-sian teh khuànn
看咱按怎
khuànn lán án-tsuánn
去保持伊的模樣
khì pó-tshî i ê môo-iūnn
魂歸來兮
hûn kui-lâi--hê
咱的祖先會庇佑
lán tsóo-sian ē pì-iū
金瓜石的一切
Kim-kue-tsio̍h ê it-tshè
會像咱所希望的模樣
ē tshiūnn lán sóo hi-bāng ê bôo-iūnn
等到有一工
tán-kah ū-tsi̍t-kang
咱的囝孫若問起
lán ê kiánn-sun nā mn̄g khí
你著講予知
lí tio̍h kóng hōo tsai
金瓜石的一切
Kim-kue-tsio̍h ê it-tshè
攏是出自祖先的手
lóng-sī tshut-tsū tsóo-sian ê tshiú
- Special thanks to W.B. Chen for sharing the lyric.
- Related Links： W.B. Chen
|
