- 歌詞
- 專輯列表
- 歌手介紹
蔡秋鳳
-
什麼樂
作詞:蔡振南 作曲:蔡振南
九九講是天公牌 00講是地王牌 那著四四講會壞
啊現代人是真趣味 出門走路是頭欺欺 正途的生意是放一邊 啊講什麼抹附飼 歸粒頭殼是全牌支 1234567 啊透早起床來迫籤詩 中鬥是電子計算機 半埔包壇來問童乩 啊暗頭娶來去看浮字 半暝夢啊夢牌支
夢什麼我夢著一隻豬 啊夢豬講十二 擱夢什麼 我夢著西湖靈隱寺 濟公活佛要破天機 剛好要破彼當時啊 雄雄煞驚醒 雄雄煞驚醒
阮一個老厝邊 去年簽到這當時 不曾著半支 想著是真嚥氣 衰衰樂講抹歹意 省本又多利 不出牌算三十隻 這擺是百面等領錢 一咧開講對對著七支
啊七朵花講卡有錢 好歹嗎著試 會仔錢先甲拿來意 啊要好額麼著看這期 一咧開講著三蕊 去呼四蕊捧捧去 捧捧去
話若要講透支 我目屎會拭抹離 啊會仔錢是答陣死 貨款是全票期 親晟朋友是走去躲 厝邊頭尾是借無錢 勸您朋友著覺醒 什麼樂嗟呼離 正當生意甲多錢
樂啊樂啊你不通迷 樂啊樂啊你不通伊 擱再伊會無彩錢
------------------------------------------------
九九講是天公牌kiú-kiú kóng sī thinn-kong pâi 空空講是地王牌khòng-khòng kóng sī tē-ông-pâi 若著四四講會害nā tio̍h sù-sù kóng ē hāi
啊現代人是真趣味ah hiān-tāi-lâng sī tsin tshù-bī 出門行路是頭敧敧tshut-mn̂g kiânn-lōo sī thâu-khi-khi 正途的生理放一邊tsiànn-tôo ê sing-lí pàng tsi̍t-pinn 啊講啥物袂赴市ah kóng siánn-mih bē-hù-tshī 規粒頭殼是全牌支kui-lia̍p thâu-khak sī tsuân pâi-ki 1234567|1234567
啊透早起床來逼籤詩ah thàu-tsá khí-tshn̂g lâi pik tshiam-si 更多更詳盡歌詞 在 ※ Mojim.com 魔鏡歌詞網 中晝是電子計算機tiong-tàu sī tiān-tsú kè-sǹg-ki 半晡仔包壇來問童乩puànn-poo-á pau-tuânn lâi mn̄g tâng-ki 啊暗頭仔[毛灬]來去看浮字 (見末尾註)ah àm-thâu-á tshuā lâi-khì khuànn phû-jī 半暝仔喔~夢啊夢牌支puànn-mî-á ooh~ bāng ah bāng pâi-ki
夢啥物bāng siánn-mih 我夢著一隻豬guá bāng-tio̍h tsi̍t tsiah ti 啊夢豬講十二ah bāng ti kóng tsa̍p-jī 閣夢啥物koh bāng siánn-mih 我夢著西湖靈隱寺guá bāng-tio̍h Se-ôo Lîng-ún-sī 濟公活佛欲破天機Tsè-kong ua̍h-hu̍t beh phuà thian-ki 拄好欲破向當時啊tú-hó beh phuà hiòng-tong-sî--ah 雄雄煞驚醒hiông-hiông suah kiann tshínn 雄雄煞驚醒hiông-hiông suah kiann tshínn
阮一个老厝邊gún tsi̍t-ê lāu-tshù-pinn 舊年簽甲向當時kū-nî tshiam kah hiòng-tong-sî 毋捌著半支m̄-bat tio̍h puànn ki 想著是真厭氣siūnn-tio̍h sī tsin iàn-khì 衰衰樂講袂歹奕Sue-sue-ló kóng buē pháinn ī 省本又多利síng pún iū to lī 不出牌算三十支put-tshut-pâi sǹg sann-tsa̍p-ki 這改是百面等領錢tsit kái sī pah-bīn tán niá-tsînn 一下開講對對著七支tsi̍t-ē khui kóng tuì-tuì tio̍h tshit-ki
啊七朵花講較有錢ah tshi* tôo*hua* kóng khah ū-tsînn 好䆀嘛著試hó bái mā tio̍h tshì 會仔錢先共提來奕huē-á-tsînn sing kā the̍h lâi ī 啊欲好額嘛著看這期ah beh hó-gia̍h mā tio̍h khuànn tsit kî 一下開講著三蕊tsi̍t-ē khui, kóng tio̍h sann-luí 去予四蕊的捧捧去khì hōo sì-luí--ê phóng-phóng--khì 捧捧去phóng-phóng--khì
話若欲講透機uē nā beh kóng thàu-ki 我目屎會拭袂離guá ba̍k-sái ē tshit buē lī 啊會仔錢是逐陣死ah huē-á-tsînn sī ta̍k tīn sí 貨款是全票期huè-khuánn sī tsuân phiò-kî 親情朋友是走去覕tshin-tsiânn pîng-iú sī tsáu-khì bih 厝邊頭尾是借無錢tshù-pinn-thâu-bué sī tsioh bô tsînn
勸恁朋友著覺醒khǹg lín pîng-iú tio̍h kak-tshínn 啥物樂也扯予離siánn-mih ló* ā tshé hōo lī 正當生理較濟錢tsìng-tong sing-lí khah tsē tsînn
樂啊樂啊你毋通迷ló* ah ló* ah lí m̄-thang mî* 樂啊樂啊你毋通奕ló* ah ló* ah lí m̄-thang ī 閣再奕會無彩錢koh-tsài ī ē bô-tshái tsînn -------------------------------------- 註1:[毛灬], 上下結構, 上毛下四點火灬, 為一字, 音tshuā, 牽引帶領的意思。 註2: 注音後打*號的¸ 表示歌手是用華語音唱該字。
-
|